Táan wáaj u xu’ulul u yóol cruzo’ob

Carlos F. Chablé Mendoza
Oochelo'ob Archivo Carlos F. Chablé Mendoza
K'iintsil

1º ti' febrero, 2019
Felipe Carrillo Puerto

Ba’ax táan u yúuchul walkila’ yéetel u ch’i’ibalil máaxo’ob tu beetajo’ob u jala’achil yéetel tu je’ts’ajo’ob kuxtal le bix tu nu’uktajilo’obe’, ku chikbesik yéetel yaj óolal bix táan u sa’atal u k’ajla’ayil kaaj. Máaxo’ob u k’áat ka u jatsuba’ob yéetel ka laj tu’ubuk u yiik’alo’obe’ míin ki’imak u yóolo’ob. Mixmáak ken u beet u nojba’alkunsa’al ch’i’ibal mix u p’a’atalo’ob beey u yuumilo’ob maaya lu’um.

Jayp’éel k’iino’ob paachile’, k’a’ayta’ab ts’o’ok u tse’elel José Isabel Sulub Cimá ti’ u meyajil genetal ku taal u beetik tu kili’ich kúuchil Cruz Parlante, p’aatal tu kaajil Carrillo Puerto, Quintana Roo. Le je’ela’ j ts’a’ab k’ajóoltbil úuchik u beeta’al jump’éel k’a’aytajil tsikbal tumen u secretarioil Gran Consejo Maya tu’ux táakpaj xan uláak’ ka’atúul máako’ob ti’ le kili’ich kúuchilo’, máaxo’ob beey ma’atáan u k’a’ajsiko’obe’, u ts’a’abal u kuucho’ob te’elo’ jump’éel ba’al jach k’a’anan, ts’o’okole’ u tse’elelo’obe’ chéen je’el u beeta’al wa ka úuchuk jump’éel ba’al jach talam wa jela’an, tumen beey u je’ets’el tumen máax ku táakpajalo’ob: comandantes, j k’atuno’ob, cabos yéetel j payal chi’ob. Ma’ éejentbil u luk’sa’al wa ku je’ets’el ti’ u estatutosil jump’éel múuch’kabil, tumen táanil ti’ le je’elo’, yaan u a’almajt’aanil miatsil yéetel bix u na’atikubáaj kaaj, beyxan u federalil yéetel táanxel lu’umil a’almaj t’aan, je’el bix u mokt’aanil 169 jets’a’an tumen OIT, chéen ti’al k ch’a’achibtik jump’éel, tu’ux ku chíimpolta’al ka úuchuk ba’al je’el bix u na’atik kaaj unaj u biinsikubáaj yéetel bix unaj u kuxtal. Le je’elo’ chéen jump’éel jets’ t’aanil kin beetik, ma’ in k’áat ka yanak jela’an t’aan wa tuukul tu yóok’olal máaxo’ob táakpaja’ano’ob ti’ le kúulpachil ba’al ku yúuchul ichil maya dignatario’ob, tumen táan u k’as pikta’alo’ob tumen kúulpach política’ob ku kaxtiko’ob u p’atiko’ob paachil u muuk’il u t’aano’ob.

Yóok’olal le ts’ook ba’ala’ yéetel tumen kin tukultik mix k’a’anan u chíimpolta’alo’ob tumen táanxel política’obe’, mix tumen táanxel máako’ob jumpáay yaniko’ob ti’ le kaajo’, wa ti’ bix u na’atikuba’ob, leti’ u yóol in ts’íiba’.

Je’el bix úuchik u beeta’al tumen ts’uulo’ob, u kúulpacho’ob maaya’ob tu k’iinil ba’ateltáambale’, beey táan u yúuchul xan te’e k’iino’oba’ tumen leti’ob jatsik yéetel jumpáaykunsiko’ob tak walkila’. Ma’ paalalo’obi’, ba’ale’ ba’ax ku yúuchule’, u yóolil u jaalk’abilo’ob, u piixan máasewáalo’obe’, ts’o’ok u sa’atal tumen catolicismo yéetel yóok’olal ba’ax ku beeta’al tumen noj mestizo lu’umil.

Ma’alo’ob ka k’a’ajsak tu k’iinil jach táan u yúuchul u noj ba’ateltáambalil Castase’, míin leti’ yáax juntéen úuchik u jatsikubáaj u poolilo’ob kaaj, úuchik u tse’elel tumen Cecilio Chi u mokt’aanil Tzucacab, je’ets’ tu ja’abil 1848 tumen Jacinto Pat yéetel yukatekoil jala’ach, tu’ux ku chíimpolta’al beey máasewáal jala’ach. Beey úuchik u bin u pa’ak’al u i’inajil tuus, k’uux óol yéetel ch’úuktajil tu lu’umil Yucatán, tu’ux tu jets’aj ich maaya kaaj u yóol paklan saajkil.

Tu yóok’olal úuchik u yila’al yaan kúulpachil tuukul ichil maaya jo’opóopilo’obe’, u jala’achil Yucatáne’ tu jets’aj je’el ka’ach u chíimpoltik juntúul ichilo’obe’ beey u jala’achil maaya’ob káaj u ba’atelo’ob. Wa tumen ka k’uchuk ch’a’achitbil u ka’ananil juntúul u maaya jo’olpóopilo’obe’ ku p’ap’ayxotta’al. Le beetik ts’uulo’obe’ yéetel waacho’obe’ yanchaj u muuk’o’ob, tumen jujump’íitil úuchik u luk’siko’ob u muuk’ cruuzo’ob. Aj ts’íib k’ajla’ayilo’obe’ tu k’aaba’into’ob le je’ela’ beey cuartelazos wa golpes de estado ichil máaxo’ob kaxtik ka u jatsubáaj maaya kaaj te’e lak’ino’.

Óoli’ naats’ ti’ u ja’abil 1860e’, Maria Uicab juntúul ko’olel k’ajóolta’an beey x ajaw, x meen yéetel x jo’olbesajil k’atune’, páatchaj u tsolik ba’al ka’alikil ti’ yaan Tulume’, ti’al ka jéets’ek kaaj kex chéen jun súutuk yéetel ti’al ma’ u xu’ulul u ba’atelo’ob.

Yaan maanal ti’ lajunp’éel talamilo’ob yanchaj ichilo’ob. Ko’one’ex ch’a’achibtik wa jayp’éel ti’ le je’elo’obo’, ti’al k k’a’ajsike’, le ba’ax táan u yúuchul te’e k’iino’oba’, ma’ túumben ba’ali’; ikil u kaxta’al ka chíimpolta’ak kaaj tumen táanxel máak, tumen ts’uulo’ob wa waacho’ob, u muuk’il yéetel noj ba’alil maaya kaaje’, p’íitkunsa’abij, luk’sa’ab u muuk’ ti’al ka yanak jets’ óolal ti’ máaxo’ob yaan u muuk’o’ob ti’ noj lu’umil wa ti’ le petena’.

Beyo’ ku páajtal k xokik tu áanalte’il Género y poder entre los mayas rebeldes de Yucatán: Tulum y la dualidad a través del tiempo, ts’íbta’an tumen Landy Santana Rivas yéetel Georgina Rosado Rosado:

“Hacia 1863 por ejemplo, el jefe maya Venancio Puc es asesinado por Dionisio Zapata Santos, quien se mantuvo por corto tiempo en el mando, ya que fue eliminado por otro grupo de cruzoob. La muerte de Zapata fue informada por la Comisión del Gobierno de Yucatán el 13 de junio de 1864, en una carta donde se lamentaron de su muerte, dada la misión que tenía dicha comisión de entrar en relaciones con él para concertar la paz.

“En 1875 hubo otro conflicto entre Bernardino Cen y Crescencio Poot los jefes de Santa Cruz. El primero, al temer ser asesinado por el segundo, busca la protección de Maria Uicab la Reina de Tulum para salvarse y parte a su encuentro acompañado de 100 de sus seguidores.

“Debido al apoyo otorgado por la patrona de Tulum a Bernardino Cen, Poot emprendió acciones de escarmiento en contra de Muyil y Tulum que lo cobijaron e intentó cerrar el suministro de mercancías provenientes de la colonia inglesa.

“En 1884 se presentó otro suceso que generó un nuevo conflicto y el enfrentamiento entre los líderes de los alzados. Crescencio Poot, al margen del poder y del permiso de los patrones de Tulum, intentó nuevamente negociar la paz con el gobierno de Yucatán. Buscaba llegar al acuerdo de ser nombrado gobernador de todo el territorio ocupado por los mayas rebeldes.

“En este nuevo conflicto, los santos patrones de Tulum inclinaron la balanza a favor de Aniceto Dzul, otorgándole no sólo el aval del oráculo sino que además le proporcionaron armas y fuerzas militares para que se enfrentara a Poot, sin las cuales nunca hubiera vencido al tatich (padre) de Santa Cruz. Quizás el disgusto de los patrones de Tulum y el apoyo otorgado a Dzul se debieron a que el tratado con el gobierno yucateco le otorgaba a Poot el nombramiento de gobernador de todos los indígenas en el territorio independiente, es decir, por encima de su poder religioso y del papel de oráculo, quedando los patrones fuera de los acuerdos. Dzul regresa con 800 hombres de Tulum, vence militarmente y ejecuta a Poot y a 10 comandantes más”.

“Tras la muerte de Dzul (de causas naturales), ocupó el cargo de jefe militar de Chan Santa Cruz el general Román Pec, quien tenía el encargo de no hacer tratos con el gobierno. Los conflictos entre los dos centros de poder continuaron. En 1897, los líderes de Tulum intentaron negociar de nuevo la paz con el gobierno de Yucatán, y los líderes de Chan Santa Cruz reaccionaron oponiéndose. Este nuevo conflicto culminó con una fiera guerra entre los dos centros y la muerte de los líderes de ambos grupos. Luego de la muerte de Román Pec, queda al mando de Chan Santa Cruz, Felipe Yama, quien no duró en el cargo al ser asesinado en 1889; le sucede Felipe May, también asesinado en abril 1901 y finalmente, el general Francisco May.

“Luego de años de persecución y de represión de los mayas rebeldes, en 1915, pocos años después del triunfo de la revolución mexicana, Venustiano Carranza devolvió la ciudad de Chan Santa Cruz a los indígenas encabezados por el general Francisco May. Sin embargo, a partir de entonces, Chan Santa Cruz dejó de ser la ciudad sagrada de los mayas, convirtiéndose en un centro de intercambio comercial y en cruce de caminos para los campamentos chicleros. La cruz, nunca retornó a su antiguo santuario. Para los cruzoob los “huaches” profanaron el Balam Nah, haciendo de él un muladar”.

Úuchik u k’uchul kuxtal máak tuka’atéen Santa Cruze’, general May yéetel u múuch’ile’ suunajo’ob xan yéetel Santísima Cruz, ka tu líik’sa’ajo’ob ti’ jump’éel chan najil k’uj naats’ yaan ti’ Balam Nah. U tsikbalil May yéetel jala’acho’obe’ tu beetaj u k’uuxil capitán Concepción Cituk yéetel sargento Evaristo Sulub, tu ja’abil 1924, tumen tu ya’alajo’obe’ tu much’ajubáaj yéetel máaxo’ob palitsiltik u kaajalo’ob, yéetel tumen tu yokoltajo’ob najil k’uj tu’ux ku kaláanta’al Cruz tumen May, ti’al u biinsa’al ti’ jump’éel kaaj k’ajóolta’al bejla’a beey Tixcacal Guardia, ti’al beyo’ u p’áatal le kaaja’ beey jump’éel túumben noj kaaj ti’al máasewáalo’ob, máaxo’ob tu éejentajo’ob u ba’atelo’ob ti’al u kuxtalo’ob je’el bix u k’áato’ob.

Ja’alil wáaj táan u xu’ulul u yóol le bix suukchaj u kuxtal máasewáal maaya’ob, máaxo’ob k’ajóolta’abo’ob beey cruzo’ob.