Gritón ku ye'esik u áak'abil Iguala yéetel impunidad ti' Guerrero

Ericka Montaño Garfias
Oochel Pablo Ramos
K'iintsil

México
Lunes 29 ti' abril, 2019

Its’atile’ ku béeytal u k’exik u kuxtalil política beeyxan u tuuukul máako’ob, beey tu ya’alaj Antonio Ortiz Gritón tu ye’esajil cha’an “los rayos conectan todo”, ti’ Museo Casa de León Trotsky.

Ti’ le e’esajila’ aj its’ate’ ku tukultik bix úuchik u sa’atal le 43 xi’ipalo’ob u xoknáalilo’ob najil xook Normal Nural Raúl Isidro Burgos tu kaajil Ayotzinapa yéetel xan le suum nupik u k’ajlayil Guerrero, batabo’ob yéetel u movimientos socialo’ob

Sa’atsajile’ bey “jump’éel u jach jela’anil tu’ubsajil” tu ya’alaj Esteban Volkov, u yáabil Trotsky.

Le e’esajilo’ yaan ti’ ya’ab kúuchil ich le najo’ beeyxan tu táankabil le kúuchilo’. Ti’ le yáax kúuchilo’yaan jump’éel mayakche’ tu’ux yaan ya’ab áanalte’ob ku t’aano’ob tu yo’ok’sal u tuukulil izquierda, beeyxan u wáalal ju’un tu’ux ku béeytal u xmanak’ xo’okol u xóoxot’il u k’ajlayil Guerrero ti’ u chíikulil u sa’atsa’al máak, u yokolta’al máak yéetel batabil, le je’ela’ ku taal ti’ u áanalte’ Adela Cedillo.

Le yáax e’esajilo’ ku k’aaba’tik “Mesa para investigar la conexión entre las desapariciones forzadas en Guerrero durante los años setenta y noventa, las ideas libertarias y la Noche de Iguala.”

Ti’ le kúuchil e’esajila’ yaan 43 oochelo’ob beeta’an yéetel acuarela tu’ux u k’aaba’ le xoknáalo’obo’ ku láak’inta’al xan tumen jejeláas ba’alo’ob je’el bix u patk’aaba’ob yéetel uláak’ ba’alo’ob jats’uts u yiliko’ob wa ba’ax ku náaytiko’ob.

“Ku béeytal a táakpajal ti’ xíimbal líik’saj t’aan, chéen ba’ale’ bey aj its’ate’ a k’áat a beet uláak’ ba’al. Le e’esajilo’ob ti’ “acuarela” tin beetaj tumen tuláakal máak yóok’ol kaabe’ ku meyaj ti’ le oochelo’ob (le xoknáalo’ob) k k’ajóolo’obo’, chéen ba’ale’ tin wóotaj in beet le oochelo’oba’ ti ba’ax suuk u beetiko’ob ti’ u súutukil u je’elelo’ob, u patk’aaba’ob, u meyajo’ob je’el bix ajka’ansajo’obe’” tu ya’alaj le aj boon ti’ La Jornada.

Léelo en español, clic aquí.