Jalisco óok'tnaj yéetel u yóok'otil "Baile Usted"

U ja'alachil Cultura Jalisco Giovana Jaspersen tu beetaj u péek le kaajo'

Katia Rejón y Juan Carlos G. Partida
Oochel Prensa Gobierno del Estado de Jalisco
K'iintsil

Guadalajara, Jalisco
Martes 30 ti abril, 2019

Juntúul u ix paaxil Tuxpan - yéetel tuláakal u muuk’il ku ye’esik u nook’ yéetel u péeke’ - ku táabsik yéetel u celular junmúuch’ j óok’otilo’ob ballet. ich súutukile’ noojolilo’obe’ yaan u na’akalo’ob ka’aj u ye’es u yóok’oto’ob - yéetel tuláakal u yóolo’ob - leti’ le máax papaxk’abtik le j paaxo’obo’. beyo’, ichil chíimpolal yéetel ki’imak óolal ichil múuch’il yéetel máako’ob, bey -uuchik le yáax “Baile Usted” úuch Jalisco uti’al u kíimbesa’al u máank’iinal Danza tu k’iinil 28 ti’ abril.

U kajnáalilo’ob Jalisco jóok’o’ob jump’éel k’iin xíimbal - ku ya’aliko’obe’ - chokoj k’iin, maanal ti’ 11 horas anchaj jejeláas e’esajilo’ob ti’ 72 méek’tankaajo’ob. Giovana Jaspersen, u jala’achil Cultura ti’ Jalisco, u tukultmaj tu beel ba’ax u biilal le e’esajila’ yéetel xan tu ya’alaj ka’aj t’aanaje’ tu ch’a’ajchi’itaj u t’aan x óok’ot alemana, Pina Bausch: “ba’ax in k’áajtik le péeko’, in k’áat u ba’axil péeksik wíiniko’ob”.

U jóok’bale’ úuch ti’ Plaza del Santuario de Nuestra Señora de Guadalupe, u ya’abil le máax táakpajo’obo’ u kajnáalil le kaajo’.