Ma' xaan wa Monsantoe' ch'úuknaj Europa

Afp
Oochel Reuters
K'iintsil

Fráncfort, Alemania
Martes 14 ti' mayo, 2019

Ku ya’alale’ Monsantoe’ “míin” tu ch’úuktaj k’a’anan máako’ob ti’ táanxel lu’umo’ob. Ba’ax much’a’an yóok’lal periodistas, políticos yéetel aj xak’al xooko’ob k’ube’enta’ab Francia tumen Monsantoe’ “ma’ xaan” wa yaan u yoochel táanxel lu’umo’ob, beey úuchik u jets’ik alemanail mola’ay Bayer, máax ti’alintik biotecnológica mola’ay estadunidenseil, tumen a’alabe’ jump’éel ba’al “ma’ unaj u beeta’ali’”.

“Yáax ba’ax sáasil in tukultike’, es ke yaan uláak’ europeoil noj lu’umo’ob úuch k’aas ti’ob tu yóok’lal le je’ela’”, ts’o’okole’ “ma’ xaan wa jaaj yaan le tsol ts’íiba’”, beey tu ya’alaj Matthias Berninger, máax jo’olbesik relaciones públicas ti’ u mola’ayil Bayer ti’ jump’éel tse’ek tu beetaj.

“Ma’ jach in wojel tuláakal ba’al ti’ jach bix úuchik”, ba’ale’ mokt’aan yanchaj ichil Monsanto yéetel u mola’ayil k’a’aytajil Fleishman Hillard, tu’ux je’ets’yaan tsol ts’íib tu’ux ts’a’aban u k’aaba’ máax táan u ch’úuktal yóok’lal bix uuchik u jelbesa’al ba’al genéticamente modificados “jayakbal ti’ tuláakal Europa”, tu ya’alaj.

U jala’achilo’ob Franciae’ tu káajsaj jump’éel xaak’alil tumen yanchaj jump’éel tak pool beeta’ab tumen frnacesil pik’il ju’un Le Monde yéetel tumen juntúul u periodistail, tumen u k’aabae’ táakbesa’an ti’ jump’éel ti’ le tsol ts’íibo’obo’.

Tak poole’ ku ya’alike’ le bix “úuchik u mu’uch’ul jejeláas ba’alo’ob yóok’lal máake’ jahc ma’ sáasil, jela’an yéetel ma’ patal úuchik u beeta’al”.

Bayere’ tu k’áataj ka sa’atbesa’ak u si’ipil le domingoa’ kex tu ya’alaj “tak walkila’” mina’an wa ba’ax e’esik tso ts’íibo’ob beeta’ab tumen Monsantoe’ ma’ no’oja’an yanik ichil ba’ax ku ya’alik a’almaj t’aan.