U chokolil yóok'ol kaabe' táan u beetik u séeb yíibil bat yaan Groenlandia

AFP
Oochel Steffen Olsen
K'iintsil

Jueves 20 ti' junio, 2019

Kex ma’ k’uchuk u k’iinil veranoe’, científico’obe’ táan u yilko’obe’ jach yaan u beetik ooxol Groenlandia tumen yáax juntéen u jach chokotal je’el bix te’e k’iino’oba’, ts’o’okole’ táan u yilo’obe’ yaan u yíibil bat. Wa tumen ka úuchuk ba’al je’el bix tak bejla’e’, tu paachil k’iine’, u yíibil bate’ je’el u beetik u buulil u jáal ja’ilo’ob yóok’ol kaab.

Ajxak’al xooko’obe’ ku tukultiko’obe’ 2019e’ láayli’ yaan u patjo’olta’al beey u túumbenil 'annus horribilis' ti’al sak continente.

“Je’el bix táan u yúuchul ba’ale’ míin yaan u píitmáansa’al bix úuchik u máan u ja’abil 2012, je’el bix úuchik yéetel banquisa (junyáal hielo ku yantal tumen ku hielochajal u ja’il k’áak’náab) asab kaabal yaan Ártico (...) je’el bix xan le ken jo’op’ok u yíibil casquete glaciar asab ka’anal yaan Groelandia”, beey úuchik u ya’alik Ruth Mottram, u xclimatólogail Instituto Danés de Meteorología (DMI).

“Le je’ela’ yaan u yojéelta’al wa yaan u yúuchul wa ma’ le ken ila’ak bix ken yanak condiciones climáticas”, ku ya’alik.

Jump’éel jak’be’en oochel jóok’sa’ab p’is k’iinil máanika’ tumen juntúul jxak’al xook DMie’, yóok’lal bix táan u séeb yíibil hielo tu xamanlak’inil Groelandiae’, ts’o’ok u seten sutulsuut yóok’ol kaab.

Ka’alikil táan ka’ach u kaxtik balizas oceanográficas yéetel jump’éel estación meteorológicae’, Steffen Olsene’ tu ch’a’aj u yoochel u yaalak’ táan u kóoliko’ob trineo ka’alikil talam u ti’alo’ob u xíimbalo’ob yóok’ol jump’éel fiordo ba’ale’ u banquisaile’ teep’a’an tumen jo’op’éel wa wakp’éel centímetro’ob yiba’an hielo. Yáanal u ch’oojil ka’ane’, aktáan ti’ wiits xma’ nieveile’, trineoe’ óoli’ beey yóok’ol ja’ ku yáalkab.

“Oochele’ jach jak’be’en óol (...) tumen ku ye’esik bix táan u k’éexel ba’al Ártico”, ku ya’alik Mottram.

Je’el bix u bin u chokotal yóok’ol kaabe’, beeyxan u bin u páa’tal ka talamchajak ba’al, tumen ku k’éexel xan kuxtal te’elo’, ku p’íitchajal u k’iinilo’ob chuukil yéetel ku jelbesik tuláakal ba’ax yaan yéetel ku máan te’elo’.

Le jaytúul osos polares yaan Árticoe’ ts’o’ok u yéemel tak tu 40 por cientoil ichil u ts’ook lajun ja’abo’ob, beey úuchik u ya’alal tumen Instituto de estudios geológicos de Estados Unidos, je’el bix xan u yúuchul yéetel narvales -beyxan k’aaba’inta’ano’ob beey unicornios de mar-, tumen beey u bin u náachtalo’ob ti’ le tu’ux suuk u yantalo’obi’ tumen k’a’anan ti’ob banquisa ti’al ma’ u jaantalo’ob tumen orca.

Táan u séeb yíibil bat

U yíibil casquete glaciar continental yéetel glaciaro’obe’ ku beetik u talamtal ba’al yéetel u taamil ja’.

“Estación Summite’", leti’ u nojochil casquete yaan lik’ul 3.000 metros ka’analil, leti’ le beyka’aj tu p’isaj tu k’iinil 30 ti’ abril, k’iin jach tu beetaj ke’el ti’ u k’ajla’ayil, -1,2°C, beey je’ets’ik tumen DMI.

Ts’o’okole’, 17 ti’ junioe’, chéen ti’ jump’éel k’iine’, Groenlandia tu pe’ertaj 3 mil 700 millonesil toneladas bat, beey u tukulta’al tumen le mola’ayo’. Ti’al u káajbal junio, u yíibil bate’ ku náakal tak 37 mil millonesil toneladas, beey úuchik u je’ets’el tu cuentail Twitter Xavier Fettweis, máax beetik u climatólogoil Universidad de Lieja (Bélgica).



Léelo en español, clic aquí.