U x-xak’al xookilo’ob UNAMe’ tu patjo’oltajo’ob nu’ukbesaj ti’al u séeb tu’ubtal plásticos

Arturo Sánchez Jiménez
Oochel AFP
K''intsil

Lunes 8 ti' julio, 2019

U x-xak’al xookilo’ob Departamento de Alimentos y Biotecnología (DAyB) ti’ u najil xook Facultad de Química ti’ Universidad Nacional Autónoma de México (UNAM), tu patjo’oltajo’ob jump’éel túumben nu’ukbesaj no’ojan ti’al u beeta’al u tu’ubtal plástico chéen ichil jayp’éel p’is k’iino’ob, tumen suuka’ane’ ku xantal kex 500 ja’abo’ob u sa’atal. X xak’al xooko’obe’ tu káajso’ob u xak’alilo’ob le meyaja’ kex ka’ap’éel década paachil, ts’o’okole’ láayli’ táan u yila’al ba’ax bíin úuchuk yéetel u pantenteil káaj u yila’al tu ja’abil 2016.

Plástico’obe’ nu’ukul beeta’an yéetel poliméricos, le je’elo’ moléculas aaltak ichil bix u u na’atal peso molecular, tumen le je’elo’ ku taal u ye’ese’ óoli’ beey jump’éel u ba’alil kaale’, tu’ux jujump’éel u mejen wóolisilo’obe’ ku núup’ulo’ob xan ti’ uláak’ unidades ku k’aaba’inta’al beey monómeros yéetel unidas mediante enlaces, je’el bix, glicosídicos wa éster; carbonoe’ leti’ u noj ba’alil tu ts’u’ ba’ale’ yaan xan silicatos, hidrógeno, nitrógeno, oxígeno yéetel cloro, bey úuchik u ya’alal tumen x xak’al xooko’ob Amelia Farrés González Sarabia yéetel Carolina Peña Montes, máaxo’ob ts’o’ok u yáax u ts’áako’ob k’ajóoltbil meyaj u beetmajo’ob ti’ pik’il ju’uno’ob je’el bix Applied Microbiology and Biotechnology.

Ku yúuchul meyaj yéetel u yabalil plásticos, ba’ale’ ti’al ka páatake’ ku k’a’abéetkunsa’al ba’alo’ob ma’atech u jach loobiltik yóok’ol kaab, le je’el túuno’, ku yáantaj ti’ ba’ax ku na’atal beey economía circular, tumen ku yila’al u su’utul moléculas ti’ yóok’ol kaab je’el u páajtal u jeel k’a’abéetkunsa’al, beey úuchik u ya’alik Farrés González.

Yaan u asab ya’abtal u ta’il miis ti’ kay

Tak walkila nu’ukbesaje’ chéen ts’o’ok u beeta’al u meyaj ti’ jump’éel chan escala, yaan u yantal u asab meyajta’al yéetel u beeta’al uláak’ xaak’alo’ob yaan u xantal kex jo’op’éel ja’ab ti’al ka béeyak u jach k’a’abéetkunsa’al yéetel u yáantaj ti’al u chan ch’éensik loobilaj ku beeta’al ti’ yóok’ol kaab tumen plásticos.

Wa tumen ka beeta’ak plásticos je’el bix táan u beeta’al tak walkila’, ken u chuk u ja’abil 2050e’ yaan u asab yantal u ta’il míis wa ku ke’etel yéetel kayo’ob ich u k’áak’náabilo’ob yóok’ol kaab, beey ts’a’ab k’ajóoltbil tumen UNAM.

X-xak’al xoo’oko’obe’ béeychaj u jumpáaykunsiko’ob u genesil u kuuxumil Aspergillus nidulans (microorganismo fitopatógeno mantats’ u yantal ti’ lu’um yéetel u yich ba’al), ku meyajo’ob ti’al u beetiko’ob “u yantal” enzima cutinasa, ti’al beyo’ u páajtal u yokolo’ob ichil u cutículail xíiwo’ob yéetel u yoksiko’ob u yik’el, beey ts’a’ab ojéeltbil xan tumen najil xook.
Ken jumpáaykunsa’ak geno’obe’, ts’a’abo’ob ich levadura Pichia pastoris (organismo ku k’a’abéetkunsa’al ti’al u beeta’al proteínas recombinantes) ti’al beyo’ beeta’al u jach ya’abil cutinasa yéetel ti’al u yila’al bix u beelal ti’al u beetik u tu’ubtal plásticos.