Moson cháak Indiae' tu kíimsaj 184 máak yéetel jump'éel millóne' anchaj u luk'sa'al te' kúuchilo'

La Jornada Maya
Oochel Afp
K'iintsil

Martes 13 ti' agosto, 2019

Maanal ti’ 184 máak kíim yéetel maanal ti’ jump’éel millón anchaj u luk’sa’al tu’ux kaja’ano’ob tu noj lu’umil India lela’ tu yo’ok’sal búulkabil tu taasaj jump’éel moson cháak, bey tu ts’áaj k’ajóoltbil lunesil u jala’achilo’ob le kaajo’.

Tu lu’umil Kerala jump’éel kúuchil tu’ux ku jach k’uchul ajxíimbalo’obi’, p’aatal tu lak’inil le kaajo’ kíim 76 máaki’, tu kaajil Karnataka kíim xan 42 máako’obi’, tu lu’umil Maharashtra yéetel Gujarat (noojol) kíim xan 66 máako’obi’, beey ts’a’ab k’ajóoltbil tumen ts’aaj péektsilil le kaajo’.

Ya’ab noj bejo’ob yéetel bejo’obe’ jach k’askúuntabo’ob tumen le búulkabilo’.

Ya’ab máak je’el bix fuerza área yéetel marina táan u yáantajo’ob uti’al u luk’sa’al le kajnáalo’ob te’ kúuchilo’obo’.