EU je’el u k’ubik tak 15 millonesil dólares ti’al u k’alik Maduro; tu ts’áak u si’ipil yóok’lal “narcoterrorismo”

La Jornada Maya
Oochel Afp
K'iintsil

Viernes 27 ti' marzo, 2020.
Washington/ Miami


U noj lu’umil Estados Unidose’ tu k’a’aytaj jo’oljeak juevese’ si’ipil ku tukultik yaan yóok’ol u jala’achil u noj lu’umil Venezuela, Nicolás Maduro tu’ux táaka’an xan máaxo’ob jach naats’ u meyajo’ob ti’, tumen ku beetiko’ob le k’aojóolta’an beey “narcoterrorismo”, le beetike’ bíin u k’ub 15 miyonesil dólares ti’al máax ken béeyak u ya’alik wa ba’ax k’a’anan ti’al u páajtal u ma’achal ti’al k’albil.

Táan u ts’a’abal u si’ipil Maduro tumen “táakpaj yéetel tu much’ajubáaj yéetel máako’ob beetik terrorismo tajan ya’ab u loobilaj, Fuerzas Armadas Revolucionarias de Colombia (FARC), ts’o’okole’ tu jach beetajo’ob ba’ax ku páajtal ti’al u yoksa’al cocaína tu lu’umil Estados Unidos”, beey úuchik u ya’alik fiscal general Bill Barr ti’ jump’éel videoconferencia tu beetah, ka’alikile’ máax beetik secretario de estado ti’
le noj lu’umo’, Mike Pompeoe’, tu k’a’aytaj taak’in je’el u ts’a’abal tu yóok’lale’.