El Principitoe’ ku k’iimbesik 77 ja’abo’ob yanak

La Jornada Maya
Oochel: Fisgón
K'iintsil

Martes 7 ti' abril, 2020
Ciudad de México

Ku tukulta‘ale‘ u áanalte‘il El Principito leti‘e‘ ts‘íib, beeta‘an Francia, asab xoka‘an yéetel kona‘an ichil u k‘ajla‘ayil wíinik. Ts‘íbtaa‘ab tumen Antoine Saint- Exupéry (1900-1944) yéetel tu k‘iinil jo‘oljeak, 6 ti‘ abrile‘, tu k‘iimbesaj 77 ja‘abo‘ob úuchik u yáax ts‘a‘abal k‘ajóoltbil, ich inglés yéetel francés, tumen u editorialil Reynal & Hictchcock.
U edición fráncesail Gallimard jach k‘ajóolta‘ane‘, béeychaj u ts‘o‘oksa‘al tak tu ja‘abil 1946, úuchik u ts‘o‘okol u ba‘ateltáambalil Segunda Guerra Mundial.

Beey túuno‘, ku tukulta‘ale‘, tak walkila‘, ts‘o‘ok u ko‘onol maanal ti‘ 140 millonesil jump‘éel ti‘ u kóom ts‘íibil (Le Petit Prince) yéetel ts‘o‘ok u sutk‘esa‘al ti‘ maanal 250 u p‘éel t‘aano‘ob. Beyxan beeta‘an ich Braille yéetel ts‘o‘ok xan u beeta‘al u cha‘anil, u balts‘amil, u yóok‘otil yéetel uláak‘ konbil nu‘ukulo‘ob.

Ts‘íibe‘ ku ch‘a‘anukta‘al ti‘al mejen paalal yóok‘lal bix ts‘íibta‘anil, ba‘ale‘ u jaajile‘ ku yoksik máak u tukult ba‘alo‘ob yaan u yil yéetel u yóol kuxtal yaabilaj, éet óolalil, yaabilaj, ichil uláak‘ ba‘alo‘ob.