Wa yaan ba’ax ma’ sáasil yóok’lal u k’a’abéetkunsa’al lu’ume’, SCJN yaan u jets’ik u yutsil ti’al k’áax: Javier Laynez

En materia ambiental, ante la duda, la Corte siempre fallará a favor de la naturaleza: Javier Laynez

Ulises Carrillo
Ooche: deaquisoy.mx
K'iintsil

Mérida, Yucatán
Viernes 8 de mayo, 2020

Jministro Javier Laynez Potisek, máax beetik u Presidenteil Segunda Sala, ti’ u kúuchil Suprema Corte de Justicia de la Nación (SCJN), tu tsolaj jayp’éel ba’alob yóok’lal amparo’ jts’a’ab ti’ u maaya kaajilo’ob Cansahcab, Suma yéetel u éejidoil Sinanché, ti’ u lu’umil Yucatán, u ti’al u yantal u ye’esa’al xaak’alo’ob beeta’an ti’al u yojéelta’al ba’axo’ob talamilo’ob, utsilo’ob wa ba’ax je’el u yúuchul ti’ k’áax wa ka k’uchuk beetbil u meyajil “Proyecto eólico y fotovoltaico Cansahacab”, tumen yéetele’, kaaje’ yaan u páajtal u jets’ik ba’ax unaj u yúuchul wa ma’, yéetel le meyajo’, ba’ale’ yáax táanile’ k’a’abéet u yojéeltiko’ob tuláakal ba’ax tu yóok’lal.

Tu ya’alaje’, amparo jts’a’abe’ chéen táan u ts’aatáantik ba’axob talamilo’ob je’el u taasik ti’ kaaj wa ka beeta’ak le meyajo’, ma’ u k’áat u ya’al wa ts’o’ok u jach je’elsali’.