Senasicae’ ku jets’ik nu’ukbesaj ti’al u jach ch’úuktik ba’ax ku yúuchul yéetel nuxi’ asiática xuux

Senasica lanza programa de vigilancia ante avispón gigante asiático

Carolina Gómez Mena
Oochel: Tomada de redes sociales
K'iintsil

Ciudad de México
Lunes 11 ti' mayo, 2020

U mola’ayil Servicio Nacional de Sanidad, Inocuidad y Calidad Agroalimentaria (Senasica) tu jets’aj te’e k’iino’oba’, jump’éel nu’ukbesaj ti’al u jach yila’al ba’ax táan u yúuchul yéetel nuxi’ xuux k’ajóolta’an beey avispón gigante asiático (Vespa mandarinia), úuchik u k’a’aytal sajbe’entsil tumen u lu’umil Estados Unidos ka’aj ila’ab ti’ ku máani’, Ti’ jump’éel k’a’aytajil tsikbal beeta’abe’, a’alab táan u kaxta’al u kaláanta’al kex 43 mil 500 u túul kabnáalo’ob ts’o’ok u meyajtijo’ob naats’ ti’ ka’ap’éel millón 172 mil paak’o’ob, ti’al u páajtal u jóok’sa’al u kaabil, yéetel ti’al xan ti’al u tséenta’al paak’áal ti’ jo’op’éel noj lu’umo’ob tu’ux ku meyajta‘al: Altiplano, golfo, u jáalik Pacífico, xaman yéetel u péetlu’umil Yucatán.

Le beetike’, k’áata’ab ti’ u ajmeyajilo’ob mola’aye’, ka múul meyjnak Sader yéetel u múuch’ilo’ob meyaj Sanidad Vegetal beyxan yéetel Fomento y Protección Pecuaria, ti’ lalaj noj lu’umilo’ob, ti’al ka a’alak le ken ila’ak le xuuxa’ ichil u lu’umil México. Ku páajtal u beeta’al ti’ celular yéetel aplicaciónil AVISE, beyxan je’el u páajtal u túuxta’al ts’íib ti’ alerta.fitosanitaria@senasica.gob.mx wa u t’aan máak ti’ 800 7512100.