Táan u binetik 350 mil áantaj ts’akyajo’ob ti’al u meyajo’ob tu táan COVID-19: ENEO

La Jornada Maya
Oochel: Marco Peláez
K'iintsil

Ciudad de México
Martes 12 ti' mayo, 2020

Tu noj lu’umil Méxicoe’ táan u binetik kex 350 mil u túul enfermero’ob ti’al u chukpajal meyaj najmal u beeta’al yóok’lal u pak’be’en k’oja’anil Covid-19, ts’o’okole’ k’a’abéet no’ojanob ti’al u meyajo’ob tu’ux yaan máaxo’ob tsaatalti’ob le k’oja’ano’, beey úuchik u ya’alik Rosa Amarilis Zárate Grajales, leti’ máax jo’olbesik Escuela Nacional de Enfermería y Obstetricia (ENEO) ti’ u najil xook Universidad Nacional Autónoma de México (UNAM).

Tu ya’alaje’, ti’ jump’éel tu’ux maanal ti’ 120 millonesil máako’ob yane’, chéen ku yantal kex 2.4 enfermeros ichil lalak mil u túul máak, ba’ale’, wa ka’ach ka chukpajak u yuumile’, unaj u chukik lex 4.4 u túul. Tu noj lu’umil Méxicoe’ chéen yaan 315 mil u túul enfermero’ob.