“Máaxo’on konik áanalte’obe’ mantats’ yaniko’on ichil talamilo’ob”, ku yajóoltik u ajmeyajilo’ob

“Nosotros siempre estamos en crisis”, lamentan los libreros

Mónica Mateos-Vega
Oochel: Reuters
K'iintsil

Ciudad de México
Viernes 15 de ti' mayo, 2020

Máaxo’ob beetik u jejeláasil meyajilo’ob yaan u yil yéetel áanlte’ob wa librose’, kuxa’ano’ob ich saajkil yéetel chi’ichnakil tumen ma’ u yojelo’ob jayp’éel kúuchilo’ob tu’ux ku ko’onol áantelto’ob ti’ u lu’umil México yaan u ka’a je’ek’abtiko’ob joolnaj le ken máanak u k’iinilo’ob k’albáajil yóok’lal u pak’be’en k’oja’anil COVID-19, beey úuchik u yajóoltik Georgina Abud Pérez Porrúa, leti’ máax jo’olbesik u múuch’kabil Asociación de Libreros de México (Almac), úuchik u tsikbal ti’ jump’éel múuch’il meyaj beeta’ab tumen Metabooks Mx.

Ba’ale’, tu ya’alaj máaxo’ob beetik le meyajila’ láayli’ xan “yaan u yóolo’ob” ti’al u tsikbaltiko’ob jayp’éel ba’alob ku tukultiko’ob je’el u páajtal u múul beetiko’ob úuchak u p’áatal mina’an taak’in ku suut te’e tu’ux ku koonolo’oni’ yéetel tumen yaan a’almaj t’aan jeets’el yóok’lal áanalte’ob, ba’ale’ “ma’atech u chíimpolta’ali’”.