Alianza Francesa ku k’iimbesik Toma de la Bastilla E’esajilo’ob ti’ política ku ye’esik talamilo’ob yaan ich kaaj

Aj boono’ob ku taalo’ob jejeláas lu’umilo’ob, tsikbalnajo'ob tu yo’ok’sal Periodismo, narcocultura yéetel corrupción

Katia Rejón
Oochel Raúl Angulo Hernández
K'iintsil


Jo' Yucatán
Lunes 17 ti' julio, 2017


U mola’ayil Alianza Francesa tu kaajil Jo’, tu k’iimbesaj Fiesta Nacional tu k’iinil 14 ti’ julio, u k’iinil Toma de la Bastilla yéetel u káajal Revolución Francesa yéetel cha’an beeyxan e’esajilo’ob ti’ política yéetel much’táambal tsikbal tu yo’ok’sal libertad de expresiónyéetel ajk’a’aytaj péektsilo’ob beeyxan antropólogo’ob, lela’ tu máank’iinal Fondo Cultural franco-Alemán, jump’éel múuul meyaj ichil le ka’ap’éel lu’umilo’ob.

Le k’iimbesajo’ káaj yéetel jump’éel e’esajil beeta’ab tumen Yaremi Chan Padilla, Luis Patrón, David García, Sian Ka’an Rueda, Eduardo Rivas yéetel Linha Aké, xoknáalo’ob ti’ balts’am yéetel paax tu najil xook Escuela Superior de Artes Visuales de Yucatán, u k’aaba’ le e’esajilo’ La libertad de expresión.

Ka’alikil u je’ek’abtik le e’esajil tu’ux táakpaja’an 30 ajboono’ob ku taalo’ob ti’ jejeláasil lu’umo’ob, Cónsul yéetel u áantajo’ob ku taalo’ob ti’Francia tu k’ayajo’ob La Marsellesa.

Mu’uk’a’an múul meyaj yéetel México


U múul meyaj Francia yéetel México ku mu’uk’antaj sáamsamal. Tu k’iinil 6 ti’ julio, u jala’achil Francia Emmanuel Macron tu pay t’aantaj u jala’achil México Enrique Peña Nieto utia’al jump’éel tsikbal yéetel janal, tu ya’alajo’ob u múul meyajo’ob ti’ jejeláas ba’alo’ob jach unaj utia’al u mu’uk’a’antal múul meyaj, tu ya’alaj Mario Ancona.

Máax jo’olintik meyajilo’ob ti’ Alemania yéetel Francia tu lu’umil México, k’a’aytaj péektsil El Universal, yéetel múuch’kabilo’ob ajboono’ob je’el bix Cartooning for Peace yéetel Cartónclub tu ye’esajo’ob jejeláas oochelo’ob yaan ba’al u yil yéetel política ku t’aan tu yo’ok’sal páajtalilo’ob k’a’aytaj péekstil, je’el bix ti’ México beeyxan ti’ Francia, la narcocultura, equidad de género, censura, desigualdad yéetel corrupción.

Le e’esajilo’obo’ yaan u xu’ulul tak 28 ti’ julio ti’ le je’ela’ ku ye’esik u meyaj jejeláas ajboono’ob je’el bix Plantú, Alarcón, Ana Von Rebeur , Aurel, Boligán, Bonil , Ares Cintia Bolio, Crist, Chubasco, Darío, El Fisgón, Elena Ospina Falco, Helguera, Kemchs, Machado, Manjarrez, Martinera, Molina, Nani, Naranjo, Penné, Rapé Rayma, Til Mette yéetel Vladdo.

Ajk’a’aytaj péektsilo’ob Joaquín Tamayo, Efrén Maldonado, Víctor Arjona Barbosa, María Verza, Enrique Martín Briceño yéetel Uu-kib Espadas Ancona tsikbalnajo’ob tu y’o’ok’sal Libertad de expresión ti’ México te’ k’iino’oba’.

__________________________________________

Artistas gráficos, de todo el mundo, abordan temas sobre periodismo, narcocultura y corrupción.


La Alianza Francesa en Mérida celebró la Fiesta Nacional del 14 de julio, Día de la Toma de la Bastilla e inicio de la Revolución Francesa, con un performance, una exposición de cartón político y una mesa panel acerca de la libertad de expresión con periodistas y antropólogos, en el marco del Fondo Cultural Franco- Alemán, un programa para proyectos artísticos de ambos países.

El evento comenzó con el performance realizado por Yaremi Chan Padilla, Luis Patrón, David García, Sian Ka’an Rueda, Eduardo Rivas y Linha Aké, alumnos de teatro y música de la Escuela Superior de Artes Visuales de Yucatán. Con el tema de La libertad de expresión realizaron una intervención con pintura y sonidos sobre la escultura de la Torre Eiffel del establecimiento.

Durante la inauguración, el Cónsul de Francia en Yucatán, Mario Ancona Teigell, comentó que al ser los franceses quienes crearon el concepto universal que le ha dado sentido a las naciones democráticas, e incluso a las luchas latinoamericanas, tienen una responsabilidad de vivir sus valores en Yucatán. “Vale la pena pensar en la fraternidad, en la igualdad y la libertad”, afirmó.
Antes de inaugurar la exposición en la que participan casi 30 artistas gráficos de todo el mundo, el cónsul y asistentes de nacionalidad francesa cantaron La Marsellesa.



Relación fuerte con México



“La relación de Francia y México es cada vez más fuerte. El 6 de julio el presidente Emmanuel Macron invitó a Enrique Peña Nieto a una reunión privada y a una comida de trabajo, expresaron su afinidad en temas muy importantes y coincidieron en fortalecer la relación entre los países”, agregó Mario Ancona.

Las embajadas de Alemania y Francia en México, el periódico El Universal y asociaciones de caricaturistas como Cartooning for Peace y Cartónclub presentaron una muestra visual de cartón político sobre temas como la libertad de prensa —tanto en México como en Francia—, la narcocultura, equidad de género, censura, desigualdad y corrupción.

La colección estará en la Alianza Francesa hasta el 28 de julio y presenta obras de artistas como Plantú, Alarcón, Ana Von Rebeur , Aurel, Boligán, Bonil , Ares Cintia Bolio, Crist, Chubasco, Darío, El Fisgón, Elena Ospina Falco, Helguera, Kemchs, Machado, Manjarrez, Martinera, Molina, Nani, Naranjo, Penné, Rapé Rayma, Til Mette y Vladdo.

Después del brindis, los periodistas Joaquín Tamayo, Efrén Maldonado, Víctor Arjona Barbosa, María Verza, Enrique Martín Briceño y Uu-kib Espadas Ancona platicaron acerca de la libertad de expresión actualmente en México a partir de sus experiencias.