J kíim Bertolucci, máax jo’olbes u beeta’al x wo’okin cha’an 'El último tango en París'

Muere Bertolucci, director del polémico film 'El último tango en París'

Oochel: Fotograma de 'El último tango en París de 1972; Marlon Brando y María Schneider en la histórica escena.
K'iintsil

Roma,Italia
Martes 27 ti' noviembre, 2018

Italinaoil aj beet cha’an, Bernardo Bertolucci, máax k’ajóolta’ab tu yóok’olal u cha’anilo’ob El último tango en París wa El último emperador, j kíim tu yotoch yaan tu noj kaajil Roma, yéetel 77 u ja’abil ka’achij, beey úuchik u ts’a’abal k’ajóoltbil jo’oljeak tumen kúuchilo’ob k’a’aytik péektsilo’ob tu lu’umil Italia, ts’o’okole’ je’ets’ xan tumen u kúuchil k’a’aytajil Punto e Virgola ti’ jump’éel k’a’aytajil ts’íib.

Bertoluccie’, k’ajóolta’ab beey juntúul u aj ka’ansaj ti’ italianoil cha’an yéetel xan le ku beeta’al yóok’ol kaab, tu náajaltaj bolonp’éel u chíimpolalil Óscar tu ja’abil 1988 úuchik u beetik u meyajil El último emperador, cha’an tu’ux ye’esa’al u kuxtal u ts’ook chino emperadoril.

Tu ja’abil 1972e’ tu ts’áaj k’ajóoltbil u erótico cha’anil El último tango en París, tu’ux chikpaj Marlon Brando yéetel Maria Schneider, ba’ale’ jach yanchaj u x wo’okinil tumen ti’ junkóots cha’ane’ chikpaj tu’ux ku yantal ba’al u yilo’ob. Cha’ane’ ma’ j cha’ab u cha’antal Italiai’.