Porrúae’ tu jóok’saj jump’éel u molts’íibil Chanoc

Porrúa lanza colección de Chanoc

Vox Libris
Boonile' jump’éel u táan wáalal Chanoc, beeta’an tumen Ángel Mora
K'iintsil

Mérida, Yucatán
Lunes 3 ti' diciembre, 2018

Cómic Chanoce’, wey noj lu’ume’, u moots arte gráfico chikbesa’ab tumen j boonil Ángel Mora (1925-2017), tu chowakil maanal 50 ja’abo’ob, ba’ale’ walkila’ táakbesa’an ti’ jump’éel múuch’il meyaj beeta’an tumen editorial Porrúa.

Le je’ela’ jump’éel yáax múuch’il tu’ux táakbesa’an lajun p’éel jaatsilo’ob: wakaxp’éel ti’ le je’elo’obe’ jach k’ajóolta’ano’ob yéetel ka’ap’éele’ yáax juntéen u ts’a’abal k’ajóoltbil, Morae’ tu meyajtaj jayp’éel semana ma’ili’ kíimike’. Editoriale’ tu ts’áaj u páajtalil ti’ La Jornada ti’al u ts’áak k’ajóoltbil ti’ máaxo’ob xokike’, jun jaats ti’ u yáax ts’íibil Chanoc: aventuras de mar y selva.

Tu ja’abil 1989e’ tene’ chéen ba’ax in wojele’, taak in beetik in historietistail. Jump’éek k’iine’, kuxtal yéetel matemáticase’ tu k’uujseno’ob tak Café Pinky, jump’éel kúuchil ti’al u yu’uk’ul káafe p’aatal tu ti’itsil Cuauhtémoc y Miguel Laurent, jach aktáan ti’ u kúuchil Editorial Vid, nukuch mola’ay ti’ jeets’el te’e k’inako’obe’.

Te’elo’ lalaj lunese’ ku múuch’ulo’ob uk’ káafe aj boono’ob yéetel guionistas ti’ le úuchben editorialo’, Múuch’ile’ k’ajóolta’an beey ‘‘La hermandad de los historietistas’’, ts’o’okole’ jo’olbesa’an tumen Antonio Gutiérrez, máax beetik u grafistail Lágrimas y Risas.